Vinn.is

Að koma á vistvænum innkaupum

Vinna við innleiðingu á vistvænni innkaupastefnu ríkisins hófst í október 2010. Nærri allar stofnanir og ráðuneyti fengu boð á kynningu og vinnustofur um vistvæn innkaup og grænt bókhald. Stofnanir sem ekki hafa komist geta hlustað á og séð hér vinnustofu. Mótuð hafa verið ýmis verkfæri sem nýst geta stofnunum, m.a. við greiningu innkaupa, stefnumótun í innkaupum og grænt bókhald.

Góður undirbúningur og skipulagning auðvelda innleiðingu vistvænna innkaupa til muna. 
  • Fyrsta skrefið er að skipuleggja innleiðingu innanhúss, með því að mynda hóp og afla upplýsinga.
  • Næsta skref er innkaupagreining sem gefur góða yfirsýn yfir stöðu innkaupanna. Hún nýtist m.a. við stefnumótun, gerð innkaupareglna og í aðgerðaráætlun.
  • Þriðja skref er að fræða innkaupafólk, setja innkaupareglur og markmið.
  • Fjórða skrefið er að innleiða vistvæn innkaup stig af stigi.  Vinna þarf á ýmsum sviðum innan starfseminnar, m.a. með fræðslu og upplýsingar til starfsmanna, sameiginlega sýn, skýrt innkaupaferli, virk samskipti við birgja og góða eftirfylgni. 
  • Stofnanir geta einnig stigið Græn skref í ríkisrekstri - einfaldar aðgerðir sem koma umhverfi og pyngju til góða.
  • Bréf til birgja er hugsað sem verkfæri stofnanna til að eiga virk samskipti við birgja.
  • Grænt bókhald er verkfæri sem sýnir magn og eðli innkaupa á margvíslegri vöru og þjónustu og getur þannig nýst stofnunum við vistvæn innkaup.
  • Aðgerðalisti er gagnlegur til að tryggja að hugað hafi verið að öllum þáttum innleiðingar á vistvænum innkaupum.
Þú ert hér: Forsíða Kaupendur Að koma á vistvænum innkaupum

Um verkefnið

Verkefnið Vistvæn innkaup (VINN) varð til árið 2003 sem samstarfsvettvangur opinberra aðila sem höfðu áhuga á að innleiða og vinna að vistvænum innkaupum. Endurskoðuð stefna 2013 var útvíkkuð og tekur nú einnig til græns ríkisreksturs. Meginþættir verkefnisins eru að þróa vistvæn innkaup og grænan ríkisrekstur, upplýsa og aðstoða.

 

Aðstandendur verkefnisins

Fjármálaráðuneytið
Umhverfisráðuneytið
Ríkiskaup
Umhverfisstofnun
Samband íslenskra sveitarfélaga
Hafnarfjarðarbær
Reykjavíkurborg
Landspítali

Hafðu samband

Hafir þú spurningar, athugasemdir eða fréttir er best að hafa samband í gegnum This e-mail address is being protected from spambots. You need JavaScript enabled to view it. .

Sjá einnig á Facebook og Twitter.

 

Flestar myndirnar á vefnum tók Hugi Ólafsson en nokkrar eru fengnar úr myndabanka norden.org.