Grænt bókhald
Sjá hér endurbætta útgáfu Græns bókhalds 20. febrúar 2018 útg.3
Grænt bókhald er skilgreint sem efnisbókhald þar sem fram koma upplýsingar um hvernig innkaupum á margvíslegri rekstrarvöru og þjónustu er háttað, aðallega í formi tölulegra upplýsinga. Með markvissri færslu græns bókhalds geta stofnanir gert sér grein fyrir keyptu magni og eðli innkaupa á vöru eða orku og þannig sett sér mælanleg markmið um hagræðingu eða að draga úr notkun.
Niðurstöður fyrir hverja stofnun fyrir sig, eftir árum.
Grænt bókhald nýtist á margan hátt:
- Safnað er upplýsingum um þá þætti sem valda neikvæðum umhverfisáhrifum.
- Samantekt um grænt bókhald nýtist til að koma stefnu í umhverfismálum á framfæri.
- Tölur úr grænu bókhaldi draga fram það sem betur mætti fara við reksturinn.
- Skýrsla um grænt bókhald veitir upplýsingar til almennings um fyrirtækið.
- Upplýsingar um grænt bókhald geta stuðlað að betri ímynd í samfélaginu.
Með 2. útgáfu af græna bókhaldinu fylgja tvö stutt myndbönd sem eru annars vegar kynning á skjalinu og hins vegar er sýnt hvernig á að slá inn upplýsingar.
