Aðgerðaáætlun
Aðgerðaáætlun er í viðauka við stefnu ríkisins um vistvæn innkaup og grænan ríkisrekstur, sjá hér.
| MARKMIÐ | AÐGERÐIR | ÁBYRGÐ | TÍMI |
| Þeir sem sjá um útboðsgerð hafi þekkingu á vistvænum innkaupum og færni til að beita þar til gerðum verkfærum, s.s. Umhverfisskilyrðum og útreikningum á líftímakostnaði | Ríkiskaup, sem leiðandi fagaðili, fylgist markvisst með, færi heim og miðli þróun erlendis á sviði vistvænni innkaupa, svo sem á sviði líftímakostnaðar og nýskapandi innkaupa. | Ríkiskaup | 2013-2016 |
| Samstarf stærri stofnana og Ríkiskaupa um verkaskiptingu og þjálfun sérfræðinga í ákveðnum vöruflokkum | Ríkiskaup, FSR og fleiri eftir atvikum. | 2013-2016 | |
| Forstöðumenn og innkaupafólk stofnana þekki til og noti almenn verkfæri vistvænna innkaupa, svo sem gátlista. | Stýrihópur VINN vinni eftir kynningaráætlun fyrir vistvæn innkaup. | Stýrihópur | 2013-2016 |
| Stýrihópur sjá til þess að vefurinn vinn.is sé gagnlegur og lifandi miðill fyrir upplýsingar um vistvæn innkaup. | Stýrihópur | 2013-2016 | |
| Stýrihópur veiti forstöðumönnum fræðslu um vistvæn innkaup og nýtingu sértækra umhverfisskilyrða eftir atvikum. | Stýrihópur / Ríkiskaup | 2013-2014 | |
| Stýrihópur ljúki fyrstu kynningu fyrir allar stofnanir og vinnustofu | Stýrihópur | vor 2013 | |
| Stýrihópur móti og stígi næstu skref í fræðslu um vistvæn innkaup, sem feli t.d. í sér vinnustofur og tengingu við önnur viðfangsefni sem lúta að grænum ríkisrekstri. | Stýrihópur | 2013 | |
| Birgjar ríkisins fái upplýsingar um vistvænar kröfur sem gerðar eru í innkaupum, með góðum fyrirvara. Ríkið og birgjar eigi í árangursríku samstarfi um þróun vistvænna innkaupa með skapandi lausnum. | Virk miðlun upplýsinga frá útboðsaðilum um kröfur og þarfir ríkisins. | Ríkiskaup | 2013-2016 |
| Hvatt verður til samstarfs birgja og kaupenda um þróunarverkefni vistvænna lausna. | Ríkiskaup / FSR | 2014-2016 | |
| Þróa birgjamat sem kaupendur geta nýtt sér við að koma sér upp skilvirku verklagi við eftirfylgni á útboðskröfum. | Ríkiskaup | 2013-2014 | |
| Rammasamningar ríkisins uppfylli að lágmarki lágmarksskilyrði grunnviðmiða í umhverfisskilyrðum þeirra vöru- og þjónustuflokka þar sem slík skilyrði hafa verið útbúin. | Útboðsaðilar ríkisins innleiði verklag sem tryggir að umhverfisskilyrði séu ávallt notuð þegar mögulegt er. | Ríkiskaup | 2013-2016 |
| Hlutfall vistvænna útboða, þ.e. útboða með umhverfisskilyrðum, útboða sem taka mið af líftímakostnaði eða útboða sem á annan hátt eru til þess fallin að minnka umhverfisáhrif, verði 50% árið 2016. | Stýrihópur sjái til þess að úrval gátlista og umhverfisskilyrða verði aukið. | Stýrihópur | 2013-2014 |
| Í verklagi útboðsaðila sé gert ráð fyrir því að ávallt séu nýtt sérhæfð erlend umhverfisskilyrði þegar þau eru fyrir hendi. | Ríkiskaup | 2013-2016 | |
| Útboðsaðilar móti áætlanir með hliðsjón af ofangreindum tölulegum markmiðum og komi þeim á framfæri við stýrihóp. | Stýrihópur | 2013-2016 | |
| Móta tillögu um fyrirkomulag á endurgreiðslu á hluta innkaupsverðs vegna kaupa á umhverfismerktum vörum stofnana ríkisins. | Fjármála- og efnahagsráðuneytið leitar eftir tillögum við útfærslu á fyrirkomulagi m.a. hjá stýrihópi. | Fjármála- og efnahagsráðuneytið | 2014 |
| Starfsfólk og stjórnendur stofnana hafi þekkingu á grænum rekstri og kunnáttu í að beita hjálpartækjum til að lágmarka umhverfisáhrif með einföldum og skilvirkum aðferðum sem eru að mestu sameiginlegar og eiga almennt við um allar stofnanir. | Stýrihópur VINN mótar hjálpartæki sem auðveldar stofnunum að stunda grænan rekstur. Hjálpartækin eru aðgengileg, t.d. með miðlun á vef. | Stýrihópur | 2013-2014 |
| Stofnanir ríkisins nýti sér hjálpartækin á markvissan hátt og byggi þau inn í verklag sitt. | Stofnanir ríkisins | 2013-2016 | |
| Stýrihópur VINN sér til þess að stofnanir fái kynningu á grænum rekstri og læri að nota hjálpartæki. | Stýrihópur | 2013-2014 | |
| Stofnanir sjá um að byggja upp þekkingu og færni í grænum rekstri og gera hann að sýnilegum þætti í innra starfi. | Stofnanir ríkisins | 2013-2016 | |
| Stofnanir noti grænt bókhald eða sjálfbærnivísa til að meta frammistöðu í umhverfismálum, upplýsingum sé safnað og miðlað. | Stýrihópur VINN lætur stofnunum í té forskrift að grænu bókhaldi, safnar niðurstöðum og miðlar á vefnum vinn.is. | Stýrihópur | 2013-2016 |
| Stofnanir styðjist við viðmiðanir GRI í ársskýrslum, eftir því sem við getur átt. | Stýrihópur | 014-2016 |
