Búið er að birta niðurstöður könnunar um grænan ríkisrekstur sem gerð var í vor meðal forstöðumanna ríkisstofnana. Helstu niðurstöður eru að umhverfisstarf hefur almennt aukist. Stofnanir hafi sett sér umhverfisstefnu og -markmið og flokka sorp í meira mæli en áður. Mikil aukning hefur orðið í gerð samgöngusamninga en í ár bjóða 42% stofnana starfsmönnum sínum upp á slíka samninga samanborið við 15% árið 2013. Niðurstöður könnunarinnar má sjá hér.

Skilafrestur var 10. apríl og enn er hægt að skila gögnum á   This e-mail address is being protected from spambots. You need JavaScript enabled to view it. . Látið ekki ykkar eftir liggja. Stofnunum sem skila fer sífell fjölgandi. Hér má sjá árangur og stöðu þeirra stofnana sem hafa skilað síðustu ár. 

Um ágæti samgöngusamninga, ánægju starfsmanna og færri veikindi. Um minni matarsóun, lífræna flokkun og betra skipulag sem leiðir til sparnaðar. Um margnota bakka og ávinning. Um græn skref og árangur græns bókhalds. Já listinn er langur og fróðlegur. Þið sem misstuð af morgunverðarfundinum, kíkið á erindin hér.

Um leið og kynnt voru góð dæmi í grænum ríkisrekstri á morgunverðarfundi 26. nóv var Grænum skrefum í ríkisrekstri hleypt af stokkunum. 

Birna Helgadóttir hjá Landspítala ræddi óvæntan árangur af aðgerðum í umhverfismálum sem leitt hafa til aukinnar ánægju starfsmanna, sparnaðar og minni umhverfisáhrifa.